Qəbələ və Neftçi'dən qələbə

Bu gün futbol üzrə Azərbaycan Premyer Liqasında 25-ci tura yekun vurulub. Corner.az xəbər verir ki, sonuncu oyun günündə də iki qarşılaşma baş tutub.

Əvvəlcə “Zirə” doğma  meydanda bavrokuboklara vəsiqə uğrunda əsas rəqiblərindən biri olan “Qəbələ”ni qəbul edib. Meydan sahibləri bu oyunda 3 cavabsız qolla məğlub olub.

Turun qapanış matçı isə “Sumqayıt” doğma meydanda “Neftçi” ilə üz-üzə gəlib. Bu oyunda  da qonaqlar inamlı qələbə qazanıb.

Xatırladaq ki, ilk oyun günündə baş tutan “Şamaxı” – “Səbail” (0:0) və “Qarabağ” – “Sabah” (1:1) matçlarında qalib müəyyənləşməyib.

Azərbaycan Premyer Liqası
25-ci tur
4 may

“Zirə” – “Qəbələ” 0:3
Qol: F.Lopes, 26. R.Utziq, 45. O.Hani, 81.
Hakimlər: Rəşad Əhmədov, Eyyub İbrahimov, Müslüm Əliyev, Rəvan Həmzəzadə.
Zirə İdman Kompleksinin stadionu, 17:45.

“Sumqayıt” – “Neftçi” 0:2
Qol: T.Bezerra, 12; 62.
Qırmızı vərəqə: C.Xocaniyazov, 19.
Hakimlər: Kamal Umudlu, Rəhman İmami, Kamran Bayramov, Elçin Məsiyev.
Sumqayıt. “Kapital Bank Arena”, 20:00.