Region Liqasının qalibi bəlli oldu

Futbol üzrə Region Liqasında 2021/2022 mövsümünün qalibi müəyyənləşib.

Corner.az-;n məlumatına görə, həlledici oyunda  "Xan Lənkəran"a 1:0 hesabı ilə qalib gələn "Cəbrayıl" klubu çempion olub. Şamaxı şəhər stadionundakı matçda yeganə qola 79-cu dəqiqədə Tapdıq Əhmədov imza atıb. Görüşün əsas vaxta əlavə olunmuş 5-ci dəqiqədə Lənkəran təmsilçisinin futbolçusu Aqşin Paşazadə penaltidən yararlana bilməyib.

Cavid Hüseynovun baş məşqçi olduğu kollektiv 2022/2023 mövsümündə Azərbaycanı UEFA Region Kubokunda təmsil edəcək.

Qeyd edək ki, 3-cü yer uğrunda keçirilmiş matçda isə "Araz-Naxçıvan" "Qusar"ı 2:1 hesabı ilə məğlub edib.