"Şamaxı”nın baş məşqçisi Rüstəm Əliyev Azərbaycan Premyer Liqasının 28-ci turu çərçivəsində “Zirə”yə qarşı keçirdikləri oyunu şərh edib. Corner.az xəbər verir ki, o, 0:0 hesabıyla bitən matçdan sonra bunları söyləyib:
“Zirə”ni bürünc medal qazanması münasibətilə təbrik edirəm. Konfrans Liqasına vəsiqə qazandılar, kubokun da finalındadırlar. Onlara uğurlar arzulayıram. Rəqib üçüncü yeri tutub. Bizə gəlincə, komandada psixoloji durum çox pisdir. Ardıcıl məğlubiyyətlər futbolçulara da təsir edir. Ağır oyun olacağını bilirdik. Həftə ərzində oyunçulara tapşırmışdıq ki, özlərinə inamları olsun. Çıxıb döyüşmək lazım idi. Futbolçularım tapşırıqları yerinə yetirdilər. Komandama da uğurlar arzu edirəm”.
