Çempionluq yolumuz çox ağır oldu

"Budəfəki çempionluq yolumuz çox ağır oldu, əziyyət çəkdik. Bütün oyunlara ciddi hazırlaşdıq və nəticədə vaxtında əvvəl çempionluğu təmin etdik".

Corner.az-ın məlumatına görə, bunu "Qarabağ"ın futbolçusu Toral Bayramov Premyer Liqada medalçıların mükafatlandırılması mərasimindən sonra jurnalistlərə açıqlamasında deyib.

21 yaşlı yarımmüdafiəçi bütün komandaların özlərinə görə mübarizə apardığını bildirib: "Sadəcə, baş məşqçimizin bizə aşıladığı xarakter həlledici oldu. Bilirsiniz ki, Qurban Qurbanov biz dyüşçü deyir. Həm məşqdə, həm də oyunda istəkli oluruq. Baş məşqçinin tapşırıqlarını yerinə yetiririk. Bu da sonda böyükhesablı qələbələrə gətirib çıxarır".

Bayramov Çempionlar Liqasında qrupdan çıxmağa çalışacaqlarını söyləyib: "Əlimizdən gələni edəcəyik ki, yeni uğurlar qazanaq. Hətta Çempionlar Liqasında qrupdan çıxmağa çalışacağıq".