Misli Premyer Liqasının I turu Laurentsiu Regekampfın “Neftçi”nin baş məşqçisi kimi çempionatdakı debütü ilə əlamətdar olub. Corner.az xəbər verir ki, Şamaxıda eyniadlı komanda ilə görüş rumıniyalının Premyer Liqada ilk oyunu idi.
Regekampf Azərbaycan çempionatları tarixinə 60-cı legioner baş məşqçi kimi düşüb. O, Premyer Liqada 3-cü rumın mütəxəssisdir. Bunadək Mirça Rednik “Xəzər Lənkəran”da, Dorinel Muntyanu “Qəbələ”nin sükanı arxasında olub.
Qeyd edək ki, “Neftçi” “Şamaxı” ilə səfər matçında 1:0 hesablı qələbə qazanıb.
