Qəbələ'dən inamlı qələbə, Neftçi'dən darmadağın

Misli Premyer Liqasında 2-ci turun oyunlarına yekun vurulub. Corner.az xəbər verir ki, sonuncu oyun günündə daha iki qarşılaşma baş tutub.

Əvvəlcə “Qəbələ” doğma meydanda “Şamaxı”nı qəbul edib və inamlı qələbə qazanıb.“Neftçi” isə doğma meydanda “Kəpəz”i sınağa çəkib. Yeddi qolun qeydə alındığı bu oyunda da meydan sahibləri darmadağınla qələbə qazanıb.

Turun əvvəlki oyunlarında “Zirə” “Sabah”a (1:3), “Sumqayıt” “Qarabağ”a (0:2), “Səbail” isə “Turan Tovuz”a (0:1) uduzub.

Misli Premyer Liqası
2-ci tur
14 avqust

Qəbələ – Şamaxı 3:1
Qol: R.Muradov, 8. M.Musayev, 10. F.Santos, 20 – A.Yunanov, 56.
Hakimlər: Fərid Hacıyev, Rəhman İmami, Kamran Bayramov, Emin Əliyev
Hakim-inspektor: Orxan Məmmədov
Qəbələ şəhər stadionu, 18:20.

Neftçi – Kəpəz 5:2
Qol: S.Kvirkveliya, 11. Q.Donyo, 12. K.Sayef, 15. E.İsrafilov, 51. Y.Boqomolski, 89 – A.Şuaybu, 57. N.Süleymanov, 90+3.
Hakimlər: Nicat İsmayıllı, Elşad Abdullayev, Pərvin Talıbov, Kamranbəy Rəhimov
Hakim-inspektor: Gülağa Cabarov
“Bakcell Arena”, 20:30.