Şamaxı'dan Səbail'lə heç-heçə

Bu gün futbol üzrə Misli Premyer Liqasında 3-cü tura start verilib. Corner.az xəbər verir ki, turun ilk matçında “Şamaxı” doğma meydanda “Səbail”i qəbul edib.

İlk 2 turdan sonra xalı olmayan kollektivlər “Kəpəz” və “Sumqayıt”la birlikdə 7-10-cu yerləri bölüşdürürdü. Qarşılaşmada hesabı ilk hissədə qonaqlar açsalar da, meydan sahibləri ikinci yarıda məğlubiyyətdən xilas olmağı bacarı. Nəticə olaraq, komandalar meydanı hərəyə 1 qol və 1 xalla tərk ediblər.

Turun qalan oyunları şənbə və bazar günlərinə təsadüf edəcək.

Misli Premyer Liqası
3-cü tur
19 avqust

“Şamaxı” – “Səbail” 1:1
Qol: A.Yunanov, 71 – R.Hacıyev, 20.
Şamaxı şəhər stadionu.