Misli Premyer Liqasında 3-cü turun oyunları keçirilir. Corner.az xəbər verir ki, “Qəbələ” turun son günündə meydana çıxacaq.
“Qırmızı-qaralar” “Kəpəz”in qonağı olacaq. Komanda səfər matçına çıxsa da, görüş Qəbələ şəhər stadionunda baş tutacaq.
Bu, rəqiblərin tarixdə 21-ci görüşü olacaq. Sonuncu dəfə 4 il 4 ay əvvəl görüşən komandalar indiyədək 20 dəfə üz-üzə gəlib. Bütün qarşılaşmalar Premyer Liqa çərçivəsində baş tutub.
Əvvəlki qarşılaşmalarda 9 qələbəsi olan “Qəbələ” yubiley uğurunun astanasındadır. 5 heç-heçə edən “qırmızı-qaralar” 6 dəfə uduzub. Top fərqi də bu komandanın xeyrinədir – 25:16.
“Kəpəz”lə görüşlərdə beş futbolçu birdən çox qol vurub. Baqali Dabo və Filip Ozobiç hərəyə 3, Famussa Kone, Ruslan Qurbanov və Stiven Monroz hərəyə 2 qola imza atıb.
Səfər matçlarında 3 qələbə və 3 heç-heçəsi olan “Qəbələ” 4 məğlubiyyət alıb. Rəqib meydanında 11 qola sevinən “Qəbələ” futbolçuları eyni sayda top buraxıb. “Qırmızı-qaralar” ümumilikdə son 3, səfərdə 2 qarşılaşmada qələbə əldə edib.
Sabah Qəbələ şəhər stadionunda baş tutacaq “Kəpəz” – “Qəbələ” matçına saat 18:00-da start veriləcək.
