"Müəyyən mənada iki fərqli hissə izlədik”. Corner.az xəbər verir ki, bunu "Sabah"ın baş məşqçisi Murad Musayev səfərdə "Qəbələ"yə 2:0 hesabı ilə qalib gəldikləri Azərbaycan Premyer Liqasının IV tur matçından sonra mətbuat konfransında deyib.
Rusiyalı mütəxəssis qarşılaşmanın ardından komandasının çıxışını dəyərləndirib: “İlk yarıda gərginlik var idi, müdafiədə səhvlərimiz oldu. Birinci hissədə hücumda cəmi bir qol vəziyyəti yarada bildik. İkinci hissədə ilk turdakı oyunumuzu göstərməyə başladıq. Psixoloji cəhətdən üstün idik. Qol da vurduq. Qoldan sonra rəqib boşluqlar verməyə başladı və ikinci topu vurduq”.
39 yaşlı çalışdırıcı qarşıdakı günlərdə yeni transferin ola biləcəyini istisna etməyib: "Bir transfer həyata keçirmək istəyirik. Əgər alınsa, yeni oyunçu gətirəcəyik. Heyətimizdə zədəlilər var".
