Misli Premyer Liqasında IV turun oyunlarına yekun vurulub. Corner.az xəbər verir ki, “Sabah” bu turda səfərdə “Qəbələ” ilə qarşılaşıb. Qəbələ şəhər stadionunda baş tutan və “Sabah”ın 2:0 hesablı qələbəsi ilə başa çatan oyun Davit Volkov və gənc futbolçu Seymur Məmmədov üçün əlamətdar olub.
Belə ki, gürcüstanlı forvard Qəbələ səfərində “Sabah”ın heyətində ilk qoluna imza atıb. Volkov buna “Sabah”dakı 4-cü rəsmi oyununda nail olub.
Seymur Məmmədov isə “Qəbələ” ilə görüşdə “Sabah”ın əsas komandasında debüt edib. 19 yaşlı yarımmüdafiəçi matçın 90+5-ci dəqiqəsində Aleksey İsayevin yerinə meydana daxil olub.