“Qarabağ” daha bir legioner futbolçusu ilə vidalaşır

“Qarabağ” klubu yay fasiləsində daha bir legioner futbolçusu ilə yollarını ayırmağa hazırlaşır.

Corner.az xəbər verir ki, Ağdam təmsilçisinin baş məşqçisi Qurban Qurbanov Con Delarjın xidmətində maraqlı deyil. Bu səbəbdən klub ötən yay 2+1 illik müqavilə imzaladığı 29 yaşlı futbolçunun göndəriliməsi ilə bağlı mümkün variantları gözdən keçirir.Bu ilin yanvarında intizamsızlığa görə əsas heyətdən kənarlaşdırılan forvardın satılması və ya icarəyə verilməsi mümkündür. Tərəflər ortaq məxrəcə gələcəyi təqdirdə, onunla sözləşməyə qarşılıqlı razılaşma əsasında xitam verilə bilər.

Qeyd edək ki, “Qarabağ” mövsüm başa çatandan sonra polşalı müdafiəçi Yakub Jezniçak, isveçrəli hücumçu İnnosent Emeqara və braziliyalı forvard Reynaldo Silva ilə yollarını ayırıb.