Misli Premyer Liqasında V turun daha iki oyunu keçirilib. Corner.az xəbər verir ki, günün ilk görüşündə Şamaxıda eyniadlı komanda ilə “Turan Tovuz” qarşılaşıb. Görüş qonaqların minimal hesablı qələbəsi ilə yekunlaşıb.
“Neftçi” isə doğma meydanda “Sumqayıt”ı sınağa çəkib. Qol həsrəti davam edən “Gənclik şəhəri” sensasiya arzusundadır. Bakılılar isə liderlərə çatmaq üçün turu itkisiz başa vurmalıydılar. Görüş elə meydan sahiblərinin inamlı qələbəsi ilə başa çatıb.
Qeyd edək ki, turun açılış matçında “Qarabağ” “Kəpəz”i 1:0 hesabı ilə üstələyib. Sabah keçiriləcək “Sabah” – “Səbail” və “Zirə” – “Qəbələ” qarşılaşmaları ilə V tura yekun vurulacaq.
Misli Premyer Liqası
V tur
3 sentyabr (şənbə)
“Şamaxı” – “Turan Tovuz” 0:1
Qol: R.Eva, 85.
Şamaxı şəhər stadionu. Hakimlər: Rauf Allahverdiyev, Namiq Hüseynov, Cəmil Quliyev, Elvin Bayramov
“Neftçi” – “Sumqayıt” 3:0
Qol: A.Caber, 19. E.Mahmudov, 55-pen. R.Hacıyev, 77.
“Bakcell Arena”. Hakimlər: Kamal Umudlu, Rəhman İmami, Vüsal Məmmədov, Tural Qurbanov
