Bu gün Misli Premyer Liqasında 5-ci tura yekun vurulacaq. Corner.az xəbər verir ki, turun sonuncu günündə meydana çıxacaq “Qəbələ” “Zirə” ilə qarşılaşacaq.
Bakıda baş tutacaq qarşılaşma iki rəqib arasında 30-cu duel olacaq. Əvvəlki 29 qarşılaşmada 11 qələbə qazanan “Qəbələ” 13 heç-heçə edib və 5 dəfə məğlub olub. Rəqib qapısına 39 qol vuran “Qəbələ” 24 top buraxıb. “Qırmızı-qaralar”ın bu oyunlarda ən yaxşı bombardiri 4 qol vuran Aleksey Qaydır.
İndiyədək keçirilən 29 görüşdən 27-si çempionat, 2-si kubok çərçivəsində keçirilib. Premyer Liqada 9 dəfə rəqibini üstələyən “Qəbələ” 13 matçdan 1 xalla ayrılıb. Digər 5 matçda Bakı klubu qələbə qazanıb. Bu oyunlarda 32 qol vuran “qırmızı-qaralar” 22 top buraxıb.
16-cı dəfə “Zirə”nin qonağı olacaq “qırmızı-qaralar” bu rəqiblə səfərdə 15 matç keçirib. “Qəbələ” rəqib meydanındakı matçlarda 6 dəfə qələbə qazanıb, 5 heç-heçə edib və 4 dəfə məğlubiyyət alıb. “Qırmızı-qaralar” bu görüşlərdə 20 qol vurub və 14-nü buraxıb.
“Dalğa Arena”da keçiriləcək “Zirə” - “Qəbələ” matçına saat 20:30-da start veriləcək.
