Sabah'dan ilk xal itkisi, Zirə'dən əzmkar qələbə

Bu gün Misli Premyer Liqasında 5-ci tura yekun vurulub. Corner.az xəbər verir ki, sonuncu oyun günündə iki qarşılaşma keçirilib.

Günün ilk görüşündə “Sabah” doğma meydanda “Səbail”i qəbul edib. Bu oyunda ümumiyyətlə qapılara qol vurulmayıb. Beləcə, “Sabah” ardıcıl 4 qələbədən sonra ilk xal itkisi ilə üzləşib.

Turun sonuncu matçında isə “Zirə” doğma meydanda “Qəbələ”ni qəbul edib. Üç qolun qeydə alındığı bu matçda isə meydan sahibləri əzmkar qələbə qazanıb.

Xatırladaq ki, turun əvvəlki qarşılaşmalarında “Qarabağ” səfərdə “Kəpəz”i, “Turan Tovuz “Şamaxı”nı eyni hesabla yenib – 1:0. “Neftçi” isə öz meydanında “Sumqayıt”ı darmadağın edib – 3:0.

Misli Premyer Liqası
5-ci tur
4 sentyabr

“Sabah” – “Səbail” 0:0
Hakimlər: Nicat İsmayıllı, Pərvin Talıbov, Kamran Bayramov, Cavid Cəlilov.
Hakim-inspektor: Orxan Məmmədov.
Masazır. “Bank Respublika Arena”.

“Zirə” – “Qəbələ” 2:1
Qol: R.Sadıxov, 45; 74 – İ.Alimi, 35-pen.
Hakimlər: Rauf Cabarov, Cavanşir Yusifov, Müslüm Əliyev, Kamranbəy Rəhimov.
Hakim-inspektor: Anar Salmanov.
Mərdəkan. “Dalğa Arena”.