Sumqayıt Qəbələ'yə də uduzdu

Bu gün Misli Premyer Liqasında VII turun daha bir oyunu keçirilib. Corner.az xəbər verir ki, günün yeganə matçında “Qəbələ” doğma meydanda “Sumqayıt”ı qəbul edib.

Görüş meydan sahiblərinin minimal hesablı qələbəsi ilə başa çatıb.

Turun əvvəlki oyunlarında “Sabah” evdə “Turan Tovuz”u 3:1, “Neftçi” isə səfərdə “Səbail”i 2:0 hesabı ilə məğlub edib. Tura sentyabrın 18-də keçiriləcək “Kəpəz” – “Şamaxı” və “Zirə” – “Qarabağ” matçları ilə yekun vurulacaq.

Misli Premyer Liqası
VII tur
17 sentyabr

“Qəbələ” – “Sumqayıt” 1:0
Qol: R.Maçado, 8.
Qırmızı vərəqə: R.Muradov, 84.
Hakimlər: Elçin Məsiyev, Elşad Abdullayev, Rahil Ramazanov, Səbuhi Bayramov.
Qəbələ şəhər stadionu.