İstənilən oyuna bu istəklə çıxırıq - Kadi Borqes

"İstənilən oyuna bu istəklə çıxırıq. "Neftçi"yə qarşı oynadığımızı nəzərə alsaq, matçın bu cür olacağını gözləyirdik".

Corner.az-ın məlumatına görə, bunu "Qarabağ"ın futbolçusu Kadi Borges evdə "Neftçi"yə 3:1 hesabı ilə qalib gəldikləri Azərbaycan Premyer Liqasının VIII tur oyunundan sonra jurnalistlərə açıqlamasında deyib.

26 yaşlı hücumameylli yarmmüdafiəçi birinci hissədə çatışmayan tək şeyin əldə etdikləri qol fürsətlərindən yararlana bilməməkləri olduğunu bildirib: "Fasilədə baş məşqçi bizə təmkinli olmağımızı, topun qapıdan keçəcəyimizi dedi. Elə də oldu. İkinci hissədə də fürsətlər əldə etdik. Və bu dəfə onlardan istifadə edə bildik.

Braziliyalı futbolçu vurduğu qolu övladına həsr edərkən hisslərini ifadə etməkdə çətinlik çəkdiyini vurğulayıb: "Övladım bir ay öncə dünyaya gəlib. İlk dəfə idi mənim oyunumu izləməyə gəlmişdi. Ümid edirəm ki, qarşıdakı matçlarda da ona çoxlu qol həsr edəcəyəm".

O, Yunanıstanda "Olimpiakos"a qarşı keçirəcəkləri UEFA Avropa Liqasının IIII tur qarşılaşmasına da toxunub: "Avropa turnirlərində səviyyə hər kəsə bəllidir. Yunanıstan təmsilçisi ilə oyun çətin olacaq. Əsas olan tezliklə həmin matça hazır olmağımızdır".