Misli Premyer Liqasında bu gün 10-cu tura start verilib. Corner.az xəbər verir ki, ilk oyun günündə bir qarşılaşma baş tutub.
Sonuncu pillədə qərarlaşan "Şamaxı" 15 xalla beşinci olan "Qəbələ"ni qəbul edib. Qarşılaşmada hesabı qonaqlar açsa da, meydan sahibləri buraxılan topun əvəzini çıxmağı bacarıb. Beləliklə, tərəflər meydanı hərəyə 1 qol və 1 xalla tərk ediblər.
X turun "Turan Tovuz" - "Səbail", "Sabah" - "Zirə" oyunları oktyabrın 15-də, "Kəpəz" - "Neftçi" və "Qarabağ" - "Sumqayıt" görüşləri isə oktyabrın 16-da baş tutacaq.
Misli Premyer Liqası
X tur
14 oktyabr
“Şamaxı” – “Qəbələ” 1:1
Qol: K.Quliyev, 75 - A.Nağıyev, 60-öz qapısına.
Hakimlər: Rauf Allahverdiyev, Namiq Hüseynov, Cavanşir Yusifov, Fərid Hacıyev
VAR: Cavid Cəlilov
AVAR: Kamran Bayramov.
Şamaxı şəhər stadionu.
