Sabah səfərdə Neftçi'yə qalib gəldi

Bu gün Misli Premyer Liqasında XI tura yekun vurulub. Corner.az xəbər verir ki, sonuncu oyun günündə iki qarşılaşma baş tutub.

Əvvəlcə “Səbail” doğma meydanda “Şamaxı”nı qəbul edib. Bütün cəhdlərə baxmayaraq bu oyunda qapılara qol vurulmayıb.

Turun qapanış matçında isə “Neftçi” doğma meydanda “Sabah”ı qəbul edib. Beş qolun qeydə alındığı matçda qonaqlar çətin qələbə qazanıb.

Xatırladaq ki, daha öncə “Qarabağ” evdə “Turan Tovuz”a (3:0), “Zirə” isə səfərdə “Sumqayıt”a (2:0) qalib gəlib. “Qəbələ” – “Kəpəz” maçtında isə qalib müəyyənləşməyib.

Misli Premyer Liqası
XI tur
23 oktyabr

“Səbail” – “Şamaxı” 0:0
Qırmızı vərəqə: T.Bayramlı, 42.
Hakimlər: İnqilab Məmmədov, Cavanşir Yusifov, Rahil Ramazanov, Səbuhi Bayramov.
Bakı. “ASCO Arena”, 16:00.

“Neftçi” – “Sabah” 2:3
Qol: Ö.Buludov, 71. E.Mahmudov, 83-pen - C.L.Mikels, 37. E.Apeh, 45+7. A.İsayev, 52.
Qırmızı vərəqə: İ.Zülfüqarlı, 74.
Hakimlər: Kamal Umudlu, Rəhman İmami, Vüsal Məmmədov, Tural Qurbanov.
Bakı. “Bakcell Arena”, 18:30.