- Misli Premyer liqa
- 11:11 23.10.2024
Misli Premyer Liqasında XIII turun oyunları keçirilir. Corner.az xəbər verir ki, bu gün daha iki qarşılaşma baş tutub.
“Qəbələ” doğma meydanda "Zirə”ni qəbul edib. Bu oyunun taleyini bir qol həll edib. Meydan sahibləri əlavə olunan vaxtda vurduğu qolla qələbə qazanıb.
Günün digər matçında “Neftçi” səfərdə “Sumqayıt”ın qonağı olub. Dörd qolun qeydə alındığı bu oyunda meydan sahibləri iki dəfə hesabda önə keçsələr də, üstünlüyü qorumağı bacarmayıb. Nəticədə qalib müəyyənləşməyib.
Xatırladaq ki, ilk oyun günündə “Turan Tovuz” doğma meydanda “Şamaxı”ya 1:3 hesabıyla uduzub. Tura sabah keçiriləcək “Səbail” – “Sabah” və “Qarabağ” – “Kəpəz” matçları ilə yekun vurulacaq.
Misli Premyer Liqası
XIII tur
5 noyabr
“Qəbələ” – “Zirə” 1:0
Qol: Ü.İsgəndərov, 90+3.
Hakimlər: Rauf Cabarov, Namiq Hüseynov, Eyyub İbrahimov, Nicat İsmayıllı.
Qəbələ şəhər stadionu, 15:00.
“Sumqayıt” – “Neftçi” 2:2
Qol: R.Qadze, 41. M.Xaçayev, 61 - Q.Donyo, 47. A.Caber, 87.
Hakimlər: Cavid Cəlilov, Rahil Ramazanov, Vüsal Məmmədov, Vüqar Həsənli.
“Sumqayıt Arena”, 19:30.