Sabah'la Qarabağ'dan inamlı qələbə

Bu gün Misli Premyer Liqasında XIII tura yekun vurulub. Corner.az xəbər verir ki, sonuncu oyun günündə iki qarşılaşma baş tutub.

Əvvəlcə “Səbail” doğma meydanda bu mövsüm uğurlu çıxış edən “Sabah”ı qəbul edib. Bu oyunda qonaqlar inamlı qələbə qazanıb.

Günün digər matçında isə lider “Qarabağ” doğma meydanda “Kəpəz”lə üz-üzə gəlib. Dörd qolun qeydə alındığı matçda Ağdam təmsilçisi növbəti qələbəsini qazanıb.

Daha öncə “Turan Tovuz” evdə “Şamaxı”ya 1:3 hesabıyla uduzub. “Qəbələ” “Zirə”ni 1:0 hesabıyla məğlub edibsə, “Sumqayıt” – “Neftçi” matçında qalib müəyyənləşməyib – 2:2

Misli Premyer Liqası
XIII tur
6 noyabr

“Səbail” – “Sabah” 0:2
Qol: C.Nuriyev, 36. A.Kaşuk, 47.
Hakimlər: Əliyar Ağayev, Zeynal Zeynalov, Elşad Abdullayev, Rəşad Əhmədov.
“ASCO Arena”, 15:00.

“Qarabağ” – “Kəpəz” 3:1
Qol: R.Şeydayev, 16-pen. M.Qurbanlı, 76. K.Ovusu, 79 - Y.Nəbiyev, 75.
Matçın 88-ci dəqiqəsində M.Qurbanlı penaltidən yararlana bilməyib (qapıçı).
Hakimlər: Rəvan Həmzəzadə, Akif Əmirəli, Cəmil Quliyev, Fərid Hacıyev.
Bakı. Tofiq Bəhramov adına Respublika Stadionu, 19:00.