Qarabağ'dan Tovuzda inamlı qələbə

Bu gün Misli Premyer Liqasının 3-cü turundan təxirə salınmış oyun keçirilib.

Corner.az xəbər verir ki, lider “Qarabağ” səfərdə “Turan Tovuz”un qonağı olub.

Qurban Qurbanovun komandası cari mövsümdə keçirdiyi bütün oyunları qələbə ilə başa vurmuşdu. Tovuz təmsilçisi “köhlən atlar”dan əgər xal ala bilsəydi, bu, sensasiya ola bilərdi. Ancaq Ayxan Abbasovun komandası buna nail olmayıb. Ağdam klubu bu görüşdə də 3 xalı 2 cavabsız qolla qazanıb.

Misli Premyer Liqası
3-cü turun oyunu
9 noyabr

Turan Tovuz – Qarabağ 0:2
Qol: V.Məsimov, 20-öz qapısına. K.Ovusu, 37.
Hakimlər: Tural Qurbanov, Elşad Abdullayev, Pərvin Talıbov, Vüqar Həsənli.
Tovuz şəhər stadionu.