- Misli Premyer liqa
- 11:11 23.10.2024
Misli Premyer Liqasında XIV turun oyunları keçirilir. Corner.az xəbər verir ki, bu gün daha 2 qarşılaşma baş tutub.
Əvvəlcə “Zirə” doğma meydanda “Səbail”i qəbul edib. Bu oyunda meydan sahibləri minimal hesabla üstün olub.
Günün digər matçında “Neftçi” doğma meydanda “Qəbələ”ni sınağa çəkib. Bu oyunda da meydan sahibləri 3 xalı 2 cavabsız qolla qazanıb.
Xatırladaq ki, ilk oyun günündə “Şamaxı” “Sumqayıt”ı 4:2 hesabıyla məğlub edib. Sonuncu oyun günündə isə “Kəpəz” “Turan Tovuz”la, “Sabah” “Qarabağ”la qarşılaşacaq.
Misli Premyer Liqası
XIV tur
12 noyabr
“Zirə” – “Səbail” 1:0
Qol: R.Sadıxov, 73.
Hakimlər: Vüqar Həsənli, Cəmil Quliyev, Eyyub İbrahimov, Cavid Cəlilov.
Zirə İdman Kompleksinin stadionu, 16:00.
“Neftçi” – “Qəbələ” 2:0
Qol: K.Sayef, 24. R.Hacıyev, 76.
Hakimlər: Nicat İsmayıllı, Namiq Hüseynov, Rəhman İmami, Rövşən Rəcəbov.
Bakı. “Bakcell Arena”, 18:30.