Qarabağ'a ilk xal itkisini Sabah yaşatdı

Bu gün Misli Premyer Liqasında XIV tura yekun vurulub. Corner.az xəbər verir ki, sonuncu oyun günündə iki qarşılaşma baş tutub.

Əvvəlcə “Kəpəz” qərb derbisində “Turan Tovuz”la münasibətlərinə aydınlıq gətirib. Tərəflər bu oyundan qolsuz ayrılıblar.

Günün və turun son matçında isə lider “Qarabağ” səfərdə əsas izləyicisi “Sabah”ın qonağı olub. "Köhlən atlar" cari mövsümdə xal itkisi ilə üzləşməmişdi. Bu üzdən, "Sabah"ın "Qarabağ"ı büdrədib-büdrətməyəcəyi maraqla gözlənilirdi. Belə də.oluh qarşılaşmada tərəflər meydanı hərəyə 1 xalla tərk ediblər. Beləcə, son çempion yeni mövsümdə ilk dəfə qələbə qazana bilməyib.

Xatırladaq ki, turun əvvəlki oyunlarında “Şamaxı” “Sumqayıt”ı 4:2, “Zirə” “Səbail”i 1:0, “Neftçi” “Qəbələ”ni 2:0 hesabıyla məğlub edib.

Misli Premyer Liqası
XIV tur
13 noyabr

“Kəpəz” – “Turan Tovuz” 0:0
Hakimlər: Rəşad Əhmədov, Rahil Ramazanov, Vüsal Məmmədov, Əli Əliyev.
Gəncə şəhər stadionu, 14:30.

“Sabah” – “Qarabağ” 0:0
Hakimlər: Fərid Hacıyev, Kamran Bayramov, Müslüm Əliyev, Rauf Allahverdiyev
Masazır. “Bank Respublika Arena”, 17:00.