"Qəbələ” Azərbaycan kubokunda 40-cı qələbəsini qazanıb. Corner.az xəbər verir ki, “qırmızı-qaralar” buna 1/8 final mərhələsinin “Araz Naxçıvan”la ev oyununda 5:0 hesablı qələbə qazanaraq nail olub.
Bu, Premyer Liqa təmsilçisinin kubokdakı 75-ci matçına təsadüf edib.
Yarışda 2005/06 mövsümündə debüt edən “Qəbələ” 22 dəfə evdə, 17 dəfə səfərdə, 1 dəfə neytral meydanda qalib gəlib. İlk qələbə 2005-ci il sentyabrın 14-də MOİK-lə ev matçına təsadüf edib – 2:0.