Misli Premyer Liqasının XV turu çərçivəsində keçirilən "Şamaxı" - "Kəpəz" görüşü (1:1) heç-heçə ilə başa çatıb. Corner.az xəbər verir ki, oyunun sonlarına yaxın xoşagəlməz hadisə yaşanıb.
Belə ki, meydanın mərkəzində baş verən qayda pozuntusu zamanı iki komandanın futbolçuları arasında gərginlik baş verib. İnsident əlbəyaxa davaya çevriləcəyinə az qala komandaların məşqçiləri və texniki heyətinin müdaxiləsi ilə ara sakitləşib.
Matçın baş hakimi Əliyar Ağayev qalmaqalda iştirak edən futbolçuları sarı vərəqə ilə cəzalandırıb.
