Neftçi Qarabağ'a böyük hesabla uduzdu

Bu gün Misli Premyer Liqasında 16-cı tura start verilib. Corner.az xəbər verir ki, ilk oyun günündə bir qarşılaşma baş tutub.

Lider “Qarabağ” səfərdə əzəli rəqibi “Neftçi”nin qonağı olub. Azərbaycan derbisini Elçin Məsiyevin rəhbərlik etdiyi hakimlər briqadası idarə edib. Bu matçda Ağdam təmsilçisi 4 cavabsız qolla qələbə qazanıb.

Bu turun “Qəbələ” – “Səbail” və “Sabah” – “Şamaxı” oyunları dekabrın 3-də, “Kəpəz” – “Sumqayıt” və “Zirə”– “Turan Tovuz” görüşləri isə ayın 4-də keçiriləcək.

Misli Premyer Liqası
16-cı tur
2 dekabr

“Neftçi” – “Qarabağ” 0:4
Qol: K.Borges, 37; 83. A.Zubir, 60. R.Şeydayev, 67.
Hakimlər: Elçin Məsiyev, Elşad Abdullayev, Pərvin Talıbov, Rauf Allahverdiyev.
Hakim-inspektor: Ömər Paşayev.
Bakı. “Bakcell Arena”, 21:00.