Sumqayıt'dan ilk, Zirə'dən çətin qələbə

Bu gün Misli Premyer Liqasında XVI tura yekun vurulub. Corner.az xəbər verir ki, sonuncu oyun günündə daha iki qarşılaşma baş tutub.

Əvvəlcə “Kəpəz” doğma meydanda “Sumqayıt”la qarşılaşıb. "Sumqayıt" bu oyunun sonlarında azlıqda qalmasına baxmayaraq, səfərdən çətin qələbə ilə qayıtmağı bacarıb. Bu, sözügedən komandanın həm də cari mövsümdəki ilk qələbəsidir.

Turun qapanış matçında  “Zirə” doğma meydanda “Turan Tovuz”la münasibətlərinə aydınlıq gətirib. Üç qolun qeydə alındığı bu matçda isə meydan sahibləri qələbəyə sevinən tərəf olub.

Xatırladaq ki, daha öncə “Qarabağ” “Neftçi”yə 4:0, “Qəbələ” “Səbail”ə 2:1 hesabıyla qalib gəlibsə, “Sabah” – “Şamaxı” oyununda qalib müəyyənləşməyib – 1:1.

Misli Premyer Liqası
XVI tur
4 dekabr

“Kəpəz” - “Sumqayıt” 0:1
Qol: V.Hüseynov, 89.
Qırmızı vərəqə: V.Mustafayev, 84.
Hakimlər: Tural Qurbanov, Cavanşir Yusifov, Rəhman İmami, Emin Əliyev.
Gəncə şəhər stadionu, 14:30.

“Zirə” - “Turan Tovuz” 2:1
Qol: F.Paxtmann, 74. K.Bayramov, 85-öz qapısına – A.Quseynov, 86.
Matçın 31-ci dəqiqəsində H.Keyta penaltidən yararlana bilməyib (qapıçı).
Hakimlər: İnqilab Məmmədov, Namiq Hüseynov, Zeynal Zeynalov, Əli Əliyev.
Zirə İdman Kompleksinin stadionu, 17:00.