Kəpəz evdə, Sabah səfərdə uduzdu

Bu gün futbol üzrə Azərbaycan kubokunda 1/4 finalın daha iki ilk oyunu baş tutub. Corner.az xəbər verir ki, günün ilk oyunu Gəncədə keçirilib.

Burada qərb derbisi çərçivəsində “Kəpəz”lə “Turan Tovuz” komandaları qarşılaşıb. Görüşdə hesabı ilk hissədə meydan sahibləri açıblar. Amma Tovuz təmsilçisi ikinci yarıda iki qol vuraraq əzmkar qələbə qazanıb.

Digər oyun isə “Səbail” “Sabah”la münasibətlərinə aydınlıq gətirib. Beş qolun qeydə alındığı bu oyunda isə meydan sahibləri çətin qələbə qazanıb.

Xatırladaq ki, ilk oyun günündə “Zirə” “Neftçi”yə 1:0 hesabıyla qalib gəlibsə, “Qarabağ” – “Qəbələ” matçında qalib müəyyənləşməyib – 2:2.

Azərbaycan kuboku
1/4 finalın ilk oyunları
9 dekabr

“Kəpəz” – “Turan Tovuz” 1:2
Qol: A.Şuaybu, 9 - R.Eva, 52-pen. E.Şahverdiyev, 64.
Hakimlər: Rauf Allahverdiyev, Cavanşir Yusufov, Müslüm Əliyev, Vüqar Həsənli.
Gəncə şəhər stadionu, 14:00.

“Səbail” – “Sabah” 3:2
Qol: L.Kizito, 32. F.Mazurek, 62; 73 - K.Sebalyos, 80. D.Volkov, 90+5.
Qırmızı vərəqə: N.Mehbalıyev, 12.
Hakimlər: Nicat İsmayıllı, Kamran Bayramov, Vüsal Məmmədov, Fərid Hacıyev.
Bakı. “ASCO Arena”, 17:00.