Zirə'dən xal itkisi, Qarabağ'dan qələbə

Bu gün Misli Premyer Liqasında XVII turun oyunlarına start verilib. Corner.az xəbər verir ki, ilk oyun günündə iki qarşılaşma baş tutub.

Əvvəlcə “Şamaxı” doğma meydanda “Zirə” ilə üz-üzə gəlib. Bu oyundan qapılara ümumiyyətlə qol vurulmayıb və tərəflər meydandan 1 xalla ayrılıblar.

Günün digər matçı isə lider “Qarabağ” doğma meydanda “Qəbələ” ilə münasibətlərinə aydınlıq gətirib. Bu oyunun taleyini isə bir qol həll edib. Ramil Şeydayevin penaltidən vurduğu yeganə qolla Ağdam klubu liderliyini daha da möhkəmləndirib.

Bu turun “Kəpəz” - “Sabah” və “Sumqayıt” - “Səbail” oyunları sabah, “Turan Tovuz” - “Neftçi” görüşü isə dekabrın 15-də keçiriləcək.

Misli Premyer Liqası
XVII tur
13 dekabr

“Şamaxı” – “Zirə” 0:0
Hakimlər: Elçin Məsiyev, Pərvin Talıbov, Teymur Teymurov, Kamal Umudlu.
Şamaxı şəhər stadionu, 14:00.

“Qarabağ” – “Qəbələ” 1:0
Qol: R.Şeydayev, 68-pen.
Hakimlər: Kamranbəy Rəhimov, Akif Əmirəli, Rəhman İmami, İnqilab Məmmədov.
Bakı. “Azersun Arena”, 19:00.