"Qəbələ"nin baş məşqçisi Elmar Baxşıyev Azərbaycan Kubokunun 1/4 finalında "Qarabağ"la cavab oyununu şərh edib. Corner.az xəbər verir ki, o, 1:0 hesabı ilə qalib gəlib, mərhələ adladıqları (ilk görüş - 2:2) qarşılaşmadan sonra bunları deyib:
"Qarabağ"a qalib gəlmək komanda olaraq bizə xoşdur. Düşünürəm ki, yaxşı, maraqlı, dinamik oyun izlədik. Hər iki komanda qələbəyə layiq idi. Futbolçularımı təbrik edirəm. Tək kubok yox, çempionata da diqqət ayırmalıyıq. Uğurlu yerlərdən birinə sahib çıxmaq lazımdır.
Əvvəlki oyunların statistikası ilə yaşamırıq. İlk matçdan sonra komanda olaraq inanırdıq. Bu gün futbolçular davamını gətirdilər. Uşaqların əməyi çox böyükdür. Yaxşı dincəlib, qarşıdakı çempionat oyununa hazırlaşacağıq.
Hələ növbəti rəqib barədə düşünmürük. Bərpa olunub, çempionat matçına hazırlaşmalıyıq. İli yaxşı başa vurmaq istəyirik".
