Neftçi və Sabah ili darmadağınla başa vurdu

Bu gün Azərbaycan Premyer Liqasında XVIII tura start verilib. Corner.az xəbər verir ki, ilk oyun günündə iki qarşılaşma baş tutub.

Əvvəlcə “Neftçi” doğma meydanda “Şamaxı”nı sınağa çəkib və 3 xalı 3 cavabsız qolla qazanıb. Günün digər matçında isə “Sumqayıt” doğma meydanda “Sabah”la qarşılaşıb. Bu oyunda da qonaqlar darmadağınla qalib gəlib.

Bu turun “Qəbələ” – “Turan Tovuz” və “Səbail” – “Qarabağ” oyunları sabah, “Zirə” – “Kəpəz” görüşü isə bazar günü keçiriləcək.

Misli Premyer Liqası
XVIII tur
23 dekabr

“Neftçi” – “Şamaxı” 3:0
Qol: İsmayıl Zülfüqarlı, 41. Fuad Bayramov, 52-öz qapısına. Ağadadaş Salyanski, 89.
Hakimlər: Rəşad Əhmədov, Rəhman İmami, Vüsal Məmmədov, Səbuhi Bayramov.
Bakı. “Bakcell Arena”, 16:00.

“Sumqayıt” – “Sabah” 0:6
Qol: Emmanuel Apeh, 3. Coy Lens Mikels, 14. Aleksey Kaşuk, 28. Elvin Camalov, 33. Anatoli Nuriyev, 77. Davit Volkov, 85.
Hakimlər: Əliyar Ağayev, Zeynal Zeynalov, Akif Əmirəli, İnqilab Məmmədov.
Sumqayıt. “Kapital Bank Arena”, 18:30.