İlin son matçında 4 qol, 4 qırmızı vərəqə!

Bu gün Azərbaycan Premyer Liqasında XVIII tura yekun vurulub. Corner.az xəbər verir ki, turun və 2022-ci ilin sonuncu oyun günündə bir qarşılaşma baş tutub.

“Zirə” doğma meydanda “Kəpəz”i sınağa çəkib. Dörd qırmızı vərəqə və eyni sayda qollun qeydə alındığı bu matçda qalib müəyyənləşməyib.

Xatırladaq ki, bu turda “Neftçi” “Şamaxı”ya (3:0), “Qarabağ” “Səbail”ə (3:0), “Sabah” isə “Sumqayıt”a (6:0) böyük hesabla qalib gəlib. “Qəbələ” - “Turan Tovuz” matçı da qolsuz başa çatıb - 0:0.

Misli Premyer Liqası
XVIII tur
25 dekabr

“Zirə” – “Kəpəz” 2:2
Qol: Rəhim Sadıxov, 11. Sərtan Taşkın, 90+8 - Fərid Nəbiyev, 22. Nicat Süleymanov, 41.
Qırmızı vərəqə: Coşqun Diniyev, 18. Nemanya Andelkoviç, 22 - Elçin Əlicanov, 57. Georgi Kantariya, 90+1 (ikinci sarı).
Hakimlər: Nicat İsmayıllı, Müslüm Əliyev, Zöhrab Abbasov, Fərid Hacıyev.
Zirə İdman Kompleksinin stadionu, 15:00.