Zirə'dən ayrılan futbolçunun yeni klubu müəyyənləşib

Sumqayıt klubu 2019/2020 mövsümü üçün ilk transferini reallaşdırıb.

Corner.az-ın məlumatına görə, Premyer liqa təmsilçisi Zirə ilə yollarını ayıran Vüqar Mustafayevi heyətinə qatıb. 25 yaşlı futbolçu ilə 1 illik müqavilə imzalanıb. Mustafayev yeni klubunda 6 nömrəli formanı geyinəcək.

Qeyd edək ki, Vüqar Mustafayev “Zirə” ilə yanaşı (79 oyun, 1 qol), “Bakı” (16 oyun), “Simurq” (13 oyun) və “Qarabağ”ın (6 oyun) uğurları üçün çalışıb. U-21 (8 oyun) və Azərbaycan millisinin də (1 oyun) formasını geyinmiş Mustafayev U-23 yığmasının heyətində IV İslam Həmrəylik Oyunlarının qalibi olub.