Türkiyədə təlim-məşq toplanışında olan “Səbail” komandası hazırlıq çərçivəsində bu gün ilk yoxlama oyununa çıxıb. Corner.az xəbər verir ki, “dənizçilər” Varşavanın “Legiya” komandası ilə üz-üzə gəlib.
“Cornelia Diamomd” kompleksinin meydançasında baş tutan görüş məhsuldar alınıb. Dörd qolun qeydə alındığı bu matçda qalib müəyyənləşməyib. Bakı təmsilçisinin heyətində Qustavo de Fransa (8) və Mirabdulla Abbasov (87) fərqlənib.
Bu oyun dekabrın sonunda "Səbail"ə baş məşqçi təyin olunan Şahin Diniyev üçün də əlamətdar olub. O, yeni komandasında qeyri-rəsmi də olsa, debüt edib.
