Türkiyədə təlim-məşq toplanışında olan “Neftçi”nin bir oyunu ləğv olunub. Corner.az xəbər verir ki, yanvarın 15-də keçirilməsi nəzərdə tutulan yoxlama görüşlərindən biri oynanılmayacaq.
Belə ki, “ağ-qaralar”ın Serbiya təmsilçisi “Baçka Topola” ilə qarşılaşması ləğv edilib. Laurentsiu Regekampf həmin gün yetirmələrini “Medz Leqnisa” (Polşa) ilə oyunda sınayacaq. Rumıniyalı mütəxəssis futbolçuların zədələnmə ehtimalını nəzərə alaraq, “Baçka Topola” ilə matçı ləğv elətdirib.
Bu arada, Belek bölgəsindəki “Gloria Verde Resort” oteldə məskunlaşan “Neftçi”nin bugünkü məşqində zədəsini sağaldan serbiyalı müdafiəçi Voislav Stankoviç də iştirak edib.
Qeyd edək ki, “Neftçi” Türkiyədəki ilk yoxlama görüşündə “Vaşaş”la (Macarıstan) 1:1 hesablı heç-heçə edib. Komanda son matçını yanvarın 19-da Serbiya klubu “Srvena Zvezda”ya qarşı keçirəcək.
