Misli Premyer Liqasının XIX turunun “Turan Tovuz” - “Qarabağ” (2:3) və “Zirə” – “Sumqayıt” (3:1) oyunları əlamətdar hadisələrlə yadda qalıb. Corner.az xəbər verir ki, “Turan Tovuz”un müdafiəçisi Şəhriyar Əliyev çempionatda 228-ci oyununa çıxıb.
“Qarabağ”ın müdafiəçisi Qara Qarayev isə 291-ci dəfə meydana çıxmaqla, Rövşən Əhmədovu (Kəpəz) qabaqlayıb və 30-cu pilləyə yüksəlib. “Qarabağ”ın digər futbolçusu Ramil Şeydayev 29-cu qolunu vuraraq, adını “Çempionatın 100 ən məhsuldar oyunçusu” siyahısına daxil edib.
“Sumqayıt”ı məğlub edən “Zirə” öz meydanında 50-ci qələbəsini qazanıb. Vurğun Hüseynov (Sumqayıt) bu qarşılaşmada 352-ci oyununa çıxıb.