“Şamaxı” cari mövsüm ilk dəfə penaltidən qol vurub. Corner.az saytının məlumatına görə, bu, Premyer Liqanın 19-cu turunda “Səbail”lə oyunda baş verib.
Şamaxıdakı matçın 90-cı dəqiqəsində rəqibin qapısına təyin edilən penaltini qola çevirən Amil Yunanov komandasına 2:1 hesablı qələbə qazandırıb. Bununla Yunanov “Şamaxı”nın ilk penalti qolunun müəllifi olub.
“Səbail” isə bu mövsüm qapısına ən çox onbirmetrlik göstərilən komanda olmaqda davam edir. Qəsəbə təmsilçisinin əleyhinə verilən 7-ci penaltidə 6-cı qol qeydə alınıb.