"Turan Tovuz”un baş məşqçisi Ayxan Abbasov Premyer Liqanın 20-ci turu çərçivəsində “Sumqayıt”a qarşı keçirdikləri oyunu şərh edib. Corner.az xəbər verir ki, o, 1:2 hesabıyla uduzduqları matçdan sonra baş tutan mətbuat konfransında bunları söyləyib:
“Sürətli oyun oldu. Hər iki komandanın azarkeşləri oyuna gözəllik qatdılar. Uzun yol qət edib burada bizi dəstəkləməyə gələn azarkeşrimizə təşəkkürümü bildirirəm. Oyun baxımından futbolçularımdan razı qalsam da, xırda səhvlər məğlub olmağımıza səbəb oldu. Qol imkanlarından istifadə edə bilmədik. 3-4 real qol imkanımız oldu. Sevindirici haldır ki, futbolçularda irəliləyiş var. Daha çox işləməliyik, oyun baxımından artırmalıyıq. İnşallah, gələn oyunlarda xal ehtiyatımızı artıracağıq”.
