Qarabağ'la Səbail'dən qələbə

Misli Premyer Liqasında XX turun oyunları keçirilir.  Corner.az xəbər verir ki, bu gün daha iki qarşılaşma baş tutub.

Əvvəlcə lider “Qarabağ” doğma meydanda “Şamaxı”nı sınağa çəkib. Görüşdə meydan sahibləri inamlı qələbə qazanıb.

Günün digər matçı isə “Səbail”lə “Kəpəz” arasında baş tutub. Bu oyunda da meydan sahibləri qələbəyə sevinən tərəf olub.

Xatırladaq ki, ilk oyun günündə “Sumqayıt” “Turan Tovuz”a 2:1 hesabıyla qalib gəlib. Sonuncu gündə “Qəbələ” “Sabah”ı, “Neftçi” isə “Zirə”ni qəbul edəcək.

Misli Premyer Liqası
XX tur
31 yanvar

“Qarabağ” – “Şamaxı” 3:1
Qol: M.Qurbanlı, 22. Q.Qarayev, 46. L.Andrade, 63 - B.Həziyev, 81.
Hakimlər: Kamranbəy Rəhimov, Zeynal Zeynalov, Zöhrab Abbasov, Emin Əliyev
Bakı. “Azersun Arena”, 16:00.

“Səbail” – “Kəpəz” 1:0
Qol: F.Mazurek, 77.
Hakimlər: Tural Qurbanov, Müslüm Əliyev, Kamran Bayramov, İnqilab Məmmədov
Bakı. “ASCO Arena”, 18:30.