“Neftçi”nin zədəli futbolçularının durumuna aydınlıq gəlib. Corner.az xəbər verir ki, “ağ-qaralar”ın baş həkimi Şaiq Zöhrablı klubun televiziya kanalına açıqlamasında bu barədə məlumat verib.
O bildirib ki, hazırda 3 yarımmüdafiəçi Eddi İsrafilov, Fərid Yusifli və Rəhman Hacıyev kollektivdən ayrıdır. Onlardan ilk iki oyunçu fiziki çalışmalarla kifayətlənir. Rəhman isə sabahdan fərdi hərəkətlərə başlayacaq.
Qeyd edək ki, “Neftçi” Premyer Liqanın 22-ci turu çərçivəsində bu gün “Qəbələ”nin qonağı olacaq. Adları çəkilən zədəli oyunçular Qəbələdəki görüşü buraxacaq.