Zirə Səbail'ə, Şamaxı Sumqayıt'a uduzdu

Bu gün Misli Premyer Liqasında XXII tura yekun vurulub. Corner.az xəbər verir ki, sonuncu oyun günündə daha iki qarşılaşma baş tutub.

Əvvəlcə “Səbail” doğma meydanda “Zirə”ni qəbul edib. Bu oyunda "dənizçilər" inamlı qələbə qazanıb.

“Sumqayıt” isə doğma meydanda “Şamaxı”nı qəbul edib. Bu oyunda da meydan sahibləri 3 xalı tək qolla qazanıb.

Xatırladaq ki, daha öncə “Qəbələ” - “Neftçi” (0:0) və “Qarabağ” - “Sabah” (1:1) matçlarında qalib müəyyənləşməyib. “Turan Tovuz” isə “Kəpəz”lə ev oyununda 2:0 hesablı qələbəyə sevinib.

Misli Premyer Liqası
XXII tur
12 fevral

“Səbail” – “Zirə” 2:0
Qol: D.Qomis, 48. M.Abbasov, 78.
Hakimlər: Rauf Cabarov, Cavanşir Yusifov, Rəhman İmami, Səbuhi Bayramov.
“ASCO Arena”, 15:00.

“Sumqayıt” - “Şamaxı” 1:0
Qol: K.Abubakar, 24.
Hakimlər: Rəvan Həmzəzadə, Namiq Hüseynov, Eyyub İbrahimov, Rövşən Rəcəbov.
“Sumqayıt Arena”, 17:30.