“Turan Tovuz”un Premyer Liqanın 22-ci turunda “Kəpəz”lə oyunda keçirdiyi aksiya Türkiyə mətbuatında diqqəti cəlb edib. Corner.az xəbər verir ki, Tovuzdakı qarşılaşmanın bilet satışından əldə edilən bütün gəlirin Türkiyədə zəlzələdən əziyyət çəkənlərə yardım məqsədilə köçürülməsi böyük marağa səbəb olub.
İHA, AA, DHA xəbər agentlikləri, A spor televiziya kanalı, beinsport.com.tr, fanatik.com.tr, fotomaç.com.tr, sporx.com.tr, cumhuriyyet.com.tr, sondakika.com.tr, haber7.com.tr və bir çox media qurumları bu jestə biganə qalmayıb. Onlar müxtəlif başlıqlarla “Turan Tovuz”un bilet satışından əldə olunan gəliri Türkiyəyə bağışladığını yerli ictimaiyyətə çatdırıb.
Qeyd edək ki, “Kəpəz”lə oyuna bilet satışından ümumilikdə 7000 manat vəsait toplanmışdı.
