Qəbələ'dən qələbə, Neftçi'dən darmadağın

Misli Premyer Liqasında XXIII turun oyunları keçirilir. Corner.az xəbər verir ki, bu gün daha iki qarşılaşma baş tutub.

Əvvəlcə “Qəbələ” doğma meydanda “Sumqayıt”la qarşılaşıb. Üç qolun qeydə alındığı bu matçda meydan sahibləri çətin qələbə qazanıb.

Günün digər matçında isə “Neftçi” doğma meydanda “Səbail”i qəbul edib. Bu oyunda da meydan sahibləri darmadağınla qalib gəlib.

Xatırladaq ki, ilk oyun günündə baş tutan “Kəpəz” – “Şamaxı” matçında meydan sahibləri qalib gəliblər – 3:2. Tura sabah keçiriləcək “Zirə” – “Qarabağ” və “Sabah” - “Turan Tovuz” oyunları ilə yekun vurulacaq.

Misli Premyer Liqası
XXIII tur
18 fevral

“Qəbələ” – “Sumqayıt” 2:1
Qol: Ü.İsgəndərov, 44. R.Utziq, 56 - İ.Alimi, 85-öz qapısına.
Hakimlər: Əliyar Ağayev, Zeynal Zeynalov, Şirmamed Mamedov, Emin Əliyev.
Qəbələ şəhər stadionu, 15:00.

“Neftçi” – “Səbail” 3:0
Qol: K.Sayef, 8-pen. E.Mahmudov, 48-pen. M.Saldanya, 74.
Hakimlər: Kamranbəy Rəhimov, Eyyub İbrahimov, Rahil Ramazanov, Rauf Allahverdiyev.
“Bakcell Arena”, 17:30.