Misli Premyer Liqasının 23-cü turu “Turan Tovuz” üçün əlamətdar olub. Corner.az xəbər verir ki, “Sabah”la səfər matçı bölgə təmsilçisi üçün ilklərlə yadda qalıb.
Güclü rəqibini 2:0 hesabı ilə üstələyən Ayxan Abbasovun kollektivi ilk dəfə qonaq qismində çıxdığı çempionat görüşündə 2 qol vurub. Komanda buna qədər səfərdə 1-dən çox qol vura bilməmişdi. Bu, çempionatın debütantının səfərdə ən böyükhesablı qalibiyyəti olub. “Turan Tovuz” cari mövsüm əvvəlki üç qələbəsini 1 top fərqilə qazanıb.
Qərb təmsilçisi eyni zamanda ilk dəfə ardıcıl iki səfər matçında qələbə sevinci yaşayıb. “Turan Tovuz” fevralın 6-da da “Şamaxı”nı rəqib meydanında 1 topla üstələyib.
Qeyd edək ki, “Turan Tovuz” hazırda 26 xalla turnir cədvəlinin 6-cı pilləsində qərarlaşıb.
