"Sabah”ın baş məşqçisi Murad Musayevin cəzası açıqlanıb. Corner.az xəbər verir ki, AFFA İntizam Komitəsinin bu gün keçirilən iclasında bu barədə qərar qəbul edilib.
Misli Premyer Liqasının 23-cü turunda “Turan Tovuz”la qarşılaşmada texniki zona qaydalarını pozduğu üçün ikinci sarı vərəqə alan rusiyalı çalışdırıcı 2 matçlıq cəzaya məruz qalıb. Onun bu hərəkəti klubu 1600 manat ziyana salıb.
“Sabah”ın texniki zonasından meydançaya kənar əşya atıldığı üçün paytaxt təmsilçisi daha 1600 manat məbləğində cərimələnib.
“Turan Tovuz”a isə 4 oyunçusu sarı vərəqə aldığı üçün 800 manat cərimə kəsilib.
