"Neftçi” Misli Premyer Liqasının 24-cü turunda fevralın 27-də “Azərsun Arena”da “Qarabağ”la qarşılaşacaq. Corner.az xəbər verir ki, paytaxt təmsilçisi bu oyuna hazırlıq çərçivəsində fevralın 24-də media üçün açıq məşqə çıxacaq.
Lakin həmin məşq əvvəlcədən nəzərdə tutulduğu kimi saat 10:30-da yox, 11:30-da başlayacaq. “Türk Hava Yolları Futbol Mərkəzi”ndə keçiriləcək və “Neftçi TV” vasitəsilə canlı yayımlanacaq məşqin ilk 15 dəqiqəsi KİV nümayəndələri üçün açıq olacaq.
Xatırladaq ki, “Qarabağ” – “Neftçi” matçına saat 20:00-da start veriləcək.
