Sabah Şamaxı'ya, Sumqayıt Kəpəz'ə məğlub oldu

Misli Premyer Liqasında XXIV turun oyunları keçirilir. Corner.az xəbər verir ki, bu gün daha 2 qarşılaşma baş tutub.

Əvvəlcə “Şamaxı” doğma meydanda “Sabah”la qarşılaşıb. Üç qolun qeydə alındığı bu oyunda qonaqlar gözlənilməz məğlubiyyətlə üzləşib 

Günün digər matçı isə “Sumqayıt”la “Kəpəz” arasında baş tutub. Üç qolluq bu matçda isə Gəncə təmsilçisi səfərdə inamlı qələbə qazanıb.

İlk oyun günündə baş tutan “Səbail” – “Qəbələ” matçında qalib müəyyənləşməyib (2:2), “Turan Tovuz” isə “Zirə”yə məğlub olub – 0:2. Turun son matçı “Qarabağ”la “Neftçi” arasında baş tutacaq.

Misli Premyer Liqası
XXIV tur
25 fevral

“Şamaxı” – “Sabah” 2:1
Qol: A.Yunanov, 72; 90+5-pen - A.Kaşuk, 77.
Hakimlər: Kamranbəy Rəhimov, Akif Əmirəli, Eyyub İbrahimov, Əli Əliyev.
Şamaxı şəhər stadionu, 14:30.

“Sumqayıt” – “Kəpəz” 1:2
Qol: Y.Nəbiyev, 88-öz qapısına - A.Ayzaya, 6. M.Junior, 38.
Hakimlər: Elçin Məsiyev, Elşad Abdullayev, Cəmil Quliyev, Kamal Umudlu
“Kapital Bank Arena”, 17:00.