Misli Premyer Liqasının 24-cü turunda “Qarabağ”ın qonağı olacaq “Neftçi” meydana tam heyətlə çıxa bilməyəcək. Corner.az xəbər verir ki, buna səbəb “ağ-qaralar”ın bir futbolçusunun zədədən əziyyət çəkməsidi.
Söhbət yarımmüdafiəçi Rəhman Hacıyevdən gedir. Klubun baş həkimi Şaiq Zöhrablı 30 yaşlı oyunçunun hazırda fərdi məşqlərlə kifayətləndiyini bildirib: “Komandada zədəli futbolçu yalnız Rəhman Hacıyevdi. Hazırda vəziyyəti yaxşılığa doğru gedir, fərdi hərəkətlərlə kifayətlənir. Bu həftə hərəkətlərin daha da intensivləşdirilməsinə çalışacağıq. Növbəti həftə isə komanda ilə birlikdə məşqlərə qoşulması planlaşdırılır”.
Qeyd edək ki, bu gün “Azersun Arena”da keçiriləcək “Qarabağ” – “Neftçi” oyunu saat 20:00-da başlayacaq.
