Qarabağ'la Neftçi'dən heç-heçə

Bu gün Misli Premyer Liqasında XXIV tura yekun vurulub. Corner.az xəbər verir ki, turun sonuncu matçı lider “Qarabağ”la əzəli rəqibi “Neftçi” arasında keçirilib.

Avrokuboklarda mübarizəni dayandıran Ağdam təmsilçisi Azərbaycan derbisində qazanılacaq qələbə ilə Belçikadakı uğursuzluğu unutdurmaq niyyətində idi. “Neftçi” isə bu görüşdən 3 xalla ayrılması üçün əlindən gələni etməli idi. Hesabı da qonaqlar açıblar. Amma "köhlən atlar" matçın sonlarında hesaba bərabərləşdirməyi bacarıb. Yekunda tərəflər meydanı hərəyə 1 qol və 1 xalla tərk ediblər.

Turun daha öncə baş tutan oyunlarında “Səbail” - “Qəbələ” matçı heç-heçə (2:2) bitibsə, “Turan Tovuz” “Zirə”yə (0:2), “Sumqayıt” “Kəpəz”ə (1:2) uduzub, “Şamaxı” da “Sabah”ı məğlub yola salıb.

Misli Premyer Liqası
XXIV tur
27 fevral

“Qarabağ” - “Neftçi” 1:1
Qol: H.Haqverdi, 83-öz qapısına - K.Lebon, 33.
Hakimlər: Rəşad Əhmədov, Vüsal Məmmədov, Rəhman İmami, Rəvan Həmzəzadə.
Bakı. “Azersun Arena”, 20:00.