Azərbaycan Kubokunda 2022-23 mövsümünün final oyununun keçiriləcəyi yer bəlli olub. Corner.az xəbər verir ki, Peşəkar Futbol Liqası həlledici qarşılaşmanın stadionunu açıqlayıb.
Qurum final görüşünün “Neftçi”nin stadionu olan “Bakcell Arena”da baş tutmasını qərara alıb. Qarşılaşma iyunun 3-də olacaq.
Qeyd edək ki, Azərbaycan Kubokunun yarımfinalında “Neftçi” “Turan Tovuz”la, “Qəbələ” isə “Səbail”lə üz-üzə gələcək. Bu oyunlar aprelin 19-da və 27-də keçiriləcək.
